Noregs tennisstjerne Casper Ruud går opp éin plass på verdsrankinga etter å ha komme til finalen i ATP-sluttspelet.I den siste oppdateringa av rankinga i sesongen har Ruud gått opp til 3.-plass og bytt plass med Stefanos Tsitsipas (4). Novak Djokovic, som vann komfortabelt mot Ruud i ATP-finalen søndag, endar året på 5.-plass.Det er dobbelt spansk på toppen med Carlos Alcaraz framfor Rafael Nadal. 19 år gamle Alcaraz vart med det den yngste spelaren til å avslutte sesongen på toppen av rankinga.Finalen søndag var den fjerde store for Ruud i 2022. Han kan sjå tilbake på to Grand Slam-finalar (Paris og New York), og dessutan finalen i Masters-turneringa i Miami.ATP-sluttspelet var ein stor opptur for nordmannen, som trøbla ein god del etter US Open-finalen mot Alcaraz i september.? Det er skuffande å ende opp med å tape desse store finalane. Men alt i alt, viss du gav meg eit tilbod om å ende året som nummer tre 1. januar i år, og å spele dei finalane eg har spelt, hadde eg antakeleg skrive kontrakten med ein gong. Ingen tvil om det, sa Ruud etter tapet søndag.
NRK Østfold - 21.11.2022, 08:11